....

Полека си заминуваше и Април,но во меѓувреме,дознавме лоша вест дека треба да се селиме од апартманот и дека треба да бараме нешто ново.

И бевме изненадени,и тажни,бидејќи се разбира не сакавме да се преселуваме,штотуку се навикнавме,и локацијата ни беше перфектна,се ни беше блиску,па до 15-ти Мај веќе требаше и да бидеме одселени.

Април си заминуваше полека,времето во Парну се менуваше,и беше различно,или топло сончевое,или ветровито,или врнежливо,или некогаш доста ладно време.

Јас се решив еден викенд пак да одам за Талин и да ги посетам пријателите,си поминав прекрасен викенд,бев сама,шетавме во Талин секаде,времето ни се погоди,така да доста интересно си поминав тој викенд.

Инаку кога сум слободна за викенди,или шетам некаде или пак некој ми иде на гости,или со моите пријатели од Парну се собираме и се договараме  да одиме некаде.

Така да викендите ни се доста резервирани и испланирани пред време,така што се решивме да одиме и еден викенд за Тарту,заедно со Pierre,и со другите волонтери,бевме поканети од страна на девојката од Чешка,Heli,бидејќи тоа беше фестивал на студентите,Тарту е познат по студентскиот живот таму,и планот беше да одиме сите во Тарту и после кај Heli во селото каде што работи и живее,а тоа е еден саат оддалечено од Тарту.