Ах тренингот во Вилјанди,,,

Дојде денот кога требаше да заминеме за Вилјанди,договорот беше да се чекаме со другите волонтери на автобуската,и сите заедно да пробаме да го најдеме хотелчето или таканаречениот пансион Вила Марија,во кој требаше да бидеме тие 5 дена.Дојдоа скоро сите,само двајца недостигаа.Но тоа не не спречи да заминеме и да го најдеме пансионот бидејќи веќе бевме и гладни.Значи се запознавме со Alicja и Dominik од Полска,Simone од Италија,Heli од Чешка Република,јас и Pierre,само што недостигаа уште двајца...Појдовме во Вилата и се сместивме,се запознавме и со обучувачите,три девојки од Естониа,многу фини и љубезни,и седнавме сите заедно да ручаме за после веднаш да почнеме со часови,во просторијата каде што имаа предавално специјално за нашата обука,и каде ќе го поминуваме повеќето од времето таму тие 5 дена.Двајцата кои доцнеа конечно ги запознавме откако почнавме со часот по запознавањето и со вежбите,и тоа беа Ирците Daire и Sean кои што откако влегоа малку збунети поради доцнењето веднаш се вклопија во групата и продолживме сите заедно!

Искуство после тренингот:можам да признаам дека беше најубаво поминато време во дружба,споделување,запознавање меѓу себе,разменивме доста информации,тренингот беше прилично интересен и во никој случај досаден,иако секој ден станувавме рано,почнувавме со појадок и веднаш во просторијата каде ги имавме часовите,организирано на ниво,прекрасна храна,појадок ручек и вечера и измеѓу часовите паузи со кафе,чај,џус,овошје,слатки и солени торти,итн...